* ළදරු මාන්දමට මොණරකුඩුම්බිය කැඳ හෝ ව්යංජනය සකසා දීම ගුණය.

* වණ රෝපණයට කොළ ස්වරසය යොදයි.

* උණට ස්වරස තෛලය හිස ගල්වයි.

* සෙංගමාලයට කැඳ සකසා දෙයි.

* මෙම යුෂ ආලේප කිරීමෙන් අළුහම් නැතිව යයි.

* ශරීරයේ ප්‍රතිශක්තිය වර්ධනය කිරීමට මෙම කැඳ හෝ ව්යංජනය හෝ මලවා ආහාරයට ගත යුතුය.

* ඇට වූර්ණය දීමෙන් පණු රෝග සමනය වේ.

* සෙංගමාල අවස්ථාවකදී මොණරකුඩුම්බිය කොළ කොටා ගත් යුෂවලින් සෑදු කැඳ පානය ඉතාම ගුණය. අක්මා රෝග සුවයට මෙන්ම ආමාශගත රෝග, මුත්‍රා ආසාදන වැනි රෝගත් එමඟින් සුව වෙයි.

* රතු රුධිර සෛල වර්ධනයට හා හිමොග්ලොබින් ප්‍රමාණය වැඩි කර ගැනීමට භාවිතා කරයි.

* මොණරකුඩුම්බිය මැල්ලුමක් ලෙස ආහාරයට ගැනීමෙන් අක්මාව ආශ්‍රිත රෝග, අතීසාර රෝග, ආමාශගත රෝග, මුත්‍රා රෝග ආදී රෝග රැසකින් සුවය ලැබිය හැකිය.

* ඌෂ්ණ කාලවලදී ඇතිවන ආසාදන, රුධිරය පිටවන අතීසාර අවස්ථාවකදී මොණරකුඩුම්බිය කළං 12 කෂාය බොහෝ ප්‍රතිඵලදායකය. එමඟින් උණ, උදර වේදනා, බඩ පුරවාදැමීම, අජීර්ණය වැනි රෝග තත්වන්ද සමනය වෙයි.

* මොණරකුඩුම්බිය මුල් කෂාය මිලිලීටර් 10ක ප්‍රමාණයක් දිනකට දෙවරක් පානය කිරීමෙන් ඉදිමුම් සහ ඇඟ පත වේදනාවන් දුරුව යයි.

* පොල් කිරි දමා පිසගත් මොණරකුඩුම්බිය ව්යංජනය ආහාරයට ගැනීමෙන් ශරීරයේ ඇති වන දැවිල්ල සමේ ඇතිවන දුර්වර්ණවීම්, පිත් දෝෂ ආදිය සමනය වෙයි.

* උගුර ආශ්‍රීතව සහ මුඛය තුළ හටගන්නා සෙම් ගෙඩිවලට මොණරකුඩුම්බිය ළපටි දලු හොඳින් තම්බා එම ඔසු දියරයෙන් විටින් විට උගුර සහ කට සේදිය යුතුය.

* සිරුරේ උෂ්ණ ආසාදන නිසා සැරව බිබිළි හටගත් විට මෙම ශාකයේ මුල් කොටස ගෙන හොඳින් පිරිසුදු කර කොටා ඒ ද්‍රාවණය උෂ්ණ බිබිළිවල සැරව ගෙඩිවල ආලේප කිරීමෙන් සැරව ගෙඩි වේදනා රහිතව පිපිරී යෑම මෙන්ම ඉක්මනින් සුව වීමත් සිදුවේ.

* මුත්‍රාශය ආශ්‍රීත වේදනා සහ මුත්‍රා දැවිල්ල ඇති විටදී මේ ශාකයේ ඇට කෂාය කර බීම ගුණය.

* කල්ගත වූ කැස්සට මෙම සම්පූර්ණ ශාකයම වියළා හොඳින් කුඩුකර නටන උණුවතුර කෝප්ප භාගයකට එම කුඩු ස්වල්පයක් දමා වසා තබා විනාඩි විස්සක් පමණ ගිය පසුව එය පෙරා පානය කළ යුතුය.

* ඇස් රතු වීම, ඇහෙන් කබ කඳුළු ගැලීම, ඇස් දැවිල්ල ආදී විවිධ ඇස් ආශ්‍රීත රෝගවලදී මොණරකුඩුම්බිය මල් තම්බා ඒ දියරින් ඇස් සහ මුහුණ විටින් විට සේදීමෙන් ඉක්මන් සුවයක් ලැබෙයි.

* මොණරකුඩුම්බිය ගසේ කොළ ඉවත් කර කඳ කොටස හොඳින් ගලේ අඹරා තලපයක් ලෙස සාදා ගෙන එම ප්‍රමාණය මෙන් කොටස් තුනකට තිප්පිලි කොටස් එකක් දමා තම්බා පානය කිරීමෙන් ඕනෑම අර්ශස් රෝගයකට ගුණය.

* මොණරකුඩුම්බිය ඇට ස්වල්පයක් ගෙන එය තල තෙලින් අඹරා සුදු කබරවල දිනපතා වරින්වර ආලේප කිරීමෙන් ක්‍රමක් ක්‍රමයෙන් සුදු කබර රෝගයෙන් සුවය ලැබිය හැකිය.

* ඉකිලි, කිසිලි වැනි ස්ථානවල අහිතකර දද වැනි පුස් වර්ගයක් ඇතිවී නම් තදබල කැසීම් ඇති වෙන අතර එයට ඔසුවක් සේ මොණරකුඩුම්බිය ශාකය ගෙන කලුදුරු ස්වල්පයක් සහ වියළි පොල් ස්වල්පයක් මිශ්‍ර කර ඒ වර්ග තුනම හොඳින් අඹරා ඉකිලි, කිසිලිවල හටගත් පුස් සහිත දදයේ ආලේප කර පැය තුනක් පමණ ගිය පසු සේදිය යුතුය. මෙය දිනපතා දිනකට දෙවරක් බැගින් කිරීමෙන් ඉක්මනින් සුවයක් දකින්න හැකි වේ.

* කුෂ්ඨ රෝග ඇති විට මොණරකුඩුම්බිය කොළ තල තෙල් සමඟ මිශ්‍ර කර හොඳින් අඹරා මඳක් රත් කර කල්කයක් මෙන් සාදාගෙන මඳ රස්නෙ පිට කුෂ්ඨ මත, සැරව බිබිළි මත ආලේප කිරීමෙන් කුෂ්ඨ සහ සැරව බිබිළි සුව කිරීමේ හැකියාවක් වගේම සර්ප දෂ්ටනවල විස ඇද ගැනීමේ හැකියාවකුත් මේ ආලේපයේ පවති.

* මොණරකුඩුම්බිය කොළ කෂාය කිරි ස්වල්පයක් සමඟ දිනපතා උදේ සවස පානය කිරීමෙන් ශරීරය ශක්තිමත් කිරීමේ විශේෂ ගුණයක් ලබා ගත හැකි සේම එය සිරුරට විශේෂ පෝෂණීය ගුණයක් ලබා දෙයි.

* වියළි මොණරකුඩුම්බිය ශාකය හොඳින් කුඩුකර බෝතලයකට දමා සුළං නොවදින්න තබා ගෙන වරකට ඒ කුඩු ග්‍රෑම් 60ක් වතුර කෝප්ප 7ක් සහ කිරි කෝප්ප 1ක් සමඟ මිශ්‍ර කර එය හොඳින් තම්බා පත එකක් ලෙස සිදුවා ගන්න. ඒ ආකාරයට සිඳුවා ගත් පත එක උදේට පත භාගයයි සවසට පත භාගයයි බැගින් සති දෙකක් පමණ දිනපතා පානය කළ යුතුය. මෙම ප්‍රතිකර්මය ශරීර ශක්තිය වර්ධනය කරගැනීමටත්, දේහධාරී සිරුරක් ලබා ගැනීමටත් සම පැහැපත් කර ගැනීමටත් මනා පිහිටුවහලක් වනු ඇත. මොණරකුඩුම්බිය යොදා රොටී සාදාගැනීම -

අවශ්‍ය ද්‍රව්‍ය: රතු කැකුලු හාල් පිටි කෝප්පයක්, කුරක්කන් පිටි කෝප්පයක්, ලියාගත් මොණරකුඩුම්බිය කොළ තේ හැඳි එකක්, ලියාගත් රතු ලූණු මේස හැඳි 2, ලියාගත් අමු මිරිස් මේස හැඳි 2, ලුණු සහ වතුර ටිකක්.

සාදන ක්‍රමය: හාල් පිටි, කුරක්කන් පිටි එකට මිශ්‍ර කරන්න.එයට පොල් සහ අනෙකුත් ද්‍රව්‍ය දමා හොඳින් මිශ්‍ර කර වතුර ටික ටික දමමින් අතේ නොඇලෙන ප්‍රමාණයට මිශ්‍රණය සකසන්න. එයින් කුඩා ගුලි කඩා තුනී කර රොටී තැටියේ දමා පුලුස්සන්න.

මොණරකුඩුම්බිය ඔසු කැඳ -

⁣මොණරකුඩුම්බිය සහමුලින්ම ගෙන වට්ටක්කා ඇට සමග වනේලා කොටා මිරිකා එම යුෂ සමගින් සුදුලූනු, ඉගුරු දමා කලුහීනැටි සහල් සමග කැඳ පිස උදෑසන දින කිහිපයක් බීමෙන් බොහො ලෙඩට අත්දුටු ඔසුවකි අතුරු ආබාධ නොමැත. .

මොනරකුඩුම්බිය ලුණු මිරිස් -

අවශ්‍ය ද්‍රව්‍ය: වියලි මිරිස් කරල් 10, රතු ලූණු ගෙඩි 5,6. ගම්මිරිස් ඇට දෙක තුනක්, සුදු ලූණු බික් 1, අමු ඉඟුරු කුඩා කැබැල්ලක්, මොණරකුඩුම්බිය දලු මිටක්, ලුණු සහ දෙහි රසයට

සාදන ක්‍රමය: දෙහි හැර අනෙක් දේවල් සියල්ලම එකට අඹරන්න. රසය අනුව දෙහි එක්කරන්න.

ඖෂධීය ශාක සංග්‍රහය හා දේශීය වෛද්‍ය ජේෂ්ඨ කථිකාචාරිනී එස්.කේ.එම්.කේ. හැරපත්දෙණිය මිය

• සතියකට දෙවරක් වත් වැල්පෙනෙල කැඳ ආහාරයට ගන්නේ නම් ආහාර ජීර්ණ පද්ධතිය මනාව පිරිසිදුවෙනවා මෙන්ම ආතරයිටීස් රෝගයෙන් වැළකිය හැකියි.

• කුරුළෑ ගෙඩි අළුහම් ආදි තත්ත්වයන්ට එරෙහිව ක්‍රියාකර සමෙහි තරුණ පෙනුම රඳවා තබන හැකියාවක් ඇත.

• වැල් පෙනෙල මුල් හා පත්‍ර මුත්‍රා ආසාදන තත්ත්වයන්හිදී ගුණදායකයි. කුසගින්න ඇති කරයි. මෙය සමෙහි ගැල් වූ විට රත් පැහැ වේ. වමනය ඇති කරයි. වාත නාශක ගුණය ඇත.

• වැල් පෙනෙල කොළ හා මුල් අතීසාරයට යොදා ගනී. එසේම රක්තාතීසාර රෝගයට ද ගුණයි.

• පෙනෙල් මුල් යොදා සැකසූ ඖෂධ වාත රෝග, ආමවාත, අර්ශස්, පණු රෝග වලට යොදා ගනු ලබයි.

• කෑම රුචිය ඇති කරන්නත් තරුණ පෙනුම රඳවා ගැනීම සදහා හෝමෝන ක්‍රියාකාරිත්වය වර්ධනය කරන්නත් හැකි වෙයි

• හිසකෙස් අකලට පැසීම වළකා නිරෝගි කෙස් කළඹක් වැවීමට ද වැල් පෙනෙලවලට හැකියි.

• වැල් පෙනෙල ශාකයේ යුෂ ස්තී‍්‍රන්ගේ ආර්තව සම්බන්ධ රෝගවලට යොදා ගනී. මුත්‍රා රෝගවලට ගුණදායකයි. මුත්‍රා හොඳින් පිට කිරීම පහසු කරයි.

• කොළ රැයක් වතුරේ දමා උදේ එම දියෙන් ම අඹරා හිස ගල්වා සම්බාහනය කොට පැයක් හිඳ නෑමෙන් හිස්සොරි දුරුකරගත හැකියි. එසේ ම සම ආරක්ෂා කර පැහැපත් කිරීමට ඊට හැකියි.

• පෙනෙල් මුල් යොදා සැකසූ ඖෂධ වාත රෝග, ආමවාත, අර්ශස්, පණු රෝග වලට යොදා ගනු ලබයි.

ලෙඩ රෝග වලදි මුළු ශාකයම පත්තු බැඳීම හෙවත් ආලේපන සඳහා සහ කැඳ ලෙස බීමට හෝ කෑමට ලබා දෙනු ලබයි. ආමවාත, ස්නායු රෝග, පුරුෂයින්ගේ වෘෂණ කෝෂවල ඇතිවන රෝගවලට වැල්පෙනෙල භාවිතා වේ. පෙනෙල මුලෙහි බොහෝ ගුණ ඇත.බඩ බුරුල් කර යාම ඇති කරයි. වමනය ඇතිවීම සහ මල පිටවීම පහසු කිරීම ඒ අතර වේ. කෑම රුචිය ද වඩයි. මුළු ශාකයම ඉවතලන්නට නොහැකි සේ ඖෂධීය වටිනාකමින් වැල්පෙනෙල යුක්තවෙ. In diseases, the whole plant is given as a poultice and as a drink or as a porridge. Valpenela Cardiospermum halicacabum is used for rheumatism, neurological diseases and diseases of the testicles in men. Panel root has many properties. It causes constipation. These include nausea and / or vomiting. Appetite also increases. The vines are of medicinal value so that the whole plant cannot be discarded.

ධාන්‍ය වර්ග Types of grains කලු තල පෝෂණය Black sesame nutrition

දියවැඩියාව පිළිබඳ දැනුවත් වෙමු ~~~~~~

"සර්ව ඒව ප්‍රමේහාස්තු

කාලේනා ප්‍රතිකාරිණ:

මධුමේහත්වමායාන්ති

තදා'සාධ්‍යා භවන්ති භි:"

(සු: නි: 6)

සුදුසු කාලයෙහි පිළියම් නොකරන සුළු වූ සියළුම ප්‍රමේහයෝ මධුමේහය හෙවත් දියවැඩියාව බවට පැමිණෙති. එය අසාධ්‍ය වෙත්.

----------------------*-------------------*--------------------

කපජ 10

පිත්තජ 06

වාතජ 04

වශයෙන් ප්‍රමේහ රෝග 20කි. නිසි උපචාරයෙන් තොරවූ හැම ප්‍රමේහයම පසුව මධුමේහ නාමය ලබාගන්නා බවද එය අසාධ්‍ය බවද මින් කියැවේ.

මධුමේහයේ ප්‍රධාන හේතුව වාතයයි.

මධුරං යච්ච මෙහෙෂු ප්‍රායෝ මධ්වීව මෙහති (යම් හෙයකින් ප්‍රමේහ රෝග විෂයෙහි ලා මිහිරිවත්, පැණි බඳුවත් මුත්‍ර කෙරේද ශරීරයේ මිහිරිබවත් වේද මෙබඳු සියළුම ප්‍රමේහ රෝගයෝ මධුමේහ නම් වෙත්.) යනු එහි නිරුක්තියයි.

ක්ෂෞද්‍ර මේහය නමින්ද හඳුන්වන මෙය චරකයට අනුව මධුමේහය නම් වේ. ආධුනික උගතුන් මෙය Diabetes mellites ලෙස හඳුන්වයි.

නිරෝගි පුද්ගලයාගේ රුධිරගත පොදු ද්‍රාක්ෂාශර්කරා මාත්‍රාව 0 .08 -0. 18 ට සිමා වේ. පැණිරස ආහාර වැඩියෙන් ගැනීමේදී වැඩීයන මෙකී මාත්‍රාව අවශ්‍යතා අනුව බෙදී යාමේදී අඩුවන අතර වැඩි ප්‍රමාණය ග්ලයිකොජන් රූපයෙන් යකෘතය තුළ තැන්පත් වේ. මූත්‍ර තුළ සීනි තැන්පත් වීමේ ප්‍රධාන හේතුව පරිවෘත්තිය ක්‍රියා විකෘති වීමයි. සාමාන්‍යයෙන් රුධිරයේ 1.5% අඩුවෙන් පවත්නා සීනි කොටස මූත්‍රයට එක් නොවේ. මෙම මාත්‍රාව ඉක්මයාමෙන් ශර්කරා පිටවීම ආරම්භ වේ.

අග්න්‍යාශ ග්‍රන්ථි, චුල්ලිකා ග්‍රන්ථි( thyroid ) අධිවෘක්ක ග්‍රන්ථි, පියුෂ ග්‍රන්ථි (pituitary ) යන සතරේ අන්ත: ස්‍රාවීන්ගේ විකෘතිය මධුමේහයේ මුඛ්‍ය හේතුවයි.

ඇතැම් විට අග්න්‍යාශ ග්‍රන්ථියේ ක්‍රියාව වැඩි වන අතර අනෙක් ග්‍රන්ථි තුනේ ක්‍රියාව අඩු විය හැකියි. එහිදී රක්තගත ශර්කරා ප්‍රකෘති ප්‍රමාණයෙන් හීන විය හැකි අතර වහා උපක්‍රම යොදා රක්තගත ශර්කරා ප්‍රමාණය වැඩි කළ යුතුයි. එය අනතුරුදායක විය හැකි බැවිනි.

අග්න්‍යාශය යනු නිර්නාල ග්‍රන්ථියකි. ඉන් අග්න්‍යාශ රසය නම් ස්‍රාවයක් නිකුත් කෙරේ. එහි ක්‍රියාවලිය පාලනය වන්නේ මොළයේ පිහිටි පිටියුටරි ග්‍රන්ථියෙනි. මානසික ආතතිය නිසා එහි ක්‍රියාවලියට බාධා ඇතිවිය හැක. එමනිසා විශේෂයෙන්ම මානසික ස්වස්ථතාවයද වැදගත් වේ.

නව්‍ය වෛද්‍ය ක්‍රමයේ මෙම රෝගීන් සඳහා අවසාන ප්‍රතිකාරය ලෙස බාහිරව ඉන්සියුලින් ලබා දුන්නද රෝගය සුව නොවන හේතුව එයයි. එම නිසා මානසික ස්වස්ථතාවය ආරක්ෂා වන ආහාර විහරණ මෙන්ම නිසි ප්‍රතිකාර සැළැස්මකින් මෙම රෝග තත්ත්වය දුරු කරගත හැක.

නිතර සුඛෝපභෝගී වාහන භාවිතය, වැඩියෙන් නිදා ගැනීම, දහවල් නිදීම, රාත්‍රි නිදි වැරීම, ව්‍යායාම නොමැති බව, දීකිරි ආදි ගෝරස ආහාර අධිකව ගැනීම, මස් මාළු වර්ග අති පරිභෝජනය, එළකිරි වැඩියෙන් ගැනීම, අළුත් හාලේ බත්, පැණිරස ආහාර අති පරිභෝජනය යනාදිය ප්‍රමේහ රෝගයන්ට හේතුවයි.

පළා වර්ග, තික්ත කෙම්කොළ, බාර්ලි, මුංඇට, වම්බටු වර්ග, අත්තික්කා, ගෙඳ පළා, ගැටතුඹ කොළ, කරවිල ගෙඩි හා පළාව, කිරි අඟුණ, තෙබු කොළ හා අල, අළු කෙසෙල් අල, ගොටුකොළ, නෙළුම් දඬු, පරණ මීපැණි යනාදිය ප්‍රමේහ රෝගීන්ට පථ්‍ය ආහාරයෝ වෙත්.

නිතර ආහාරයට උළුහාල් එක්කර ගැනීමත් බැදපු උළුහාල් තේ මෙන් පානය කිරීමත් ප්‍රශස්තය.

අළු කෙසෙල් අල, කොතලහිඹුටු, නෙල්ලි, ගොකටු මුල්, සුදුහඳුන්, බැවිල මුල්, කලං 2 බැගින් ගෙන වතුර පත 8 - 1ට සිඳ පත 1/2 බැගින් උදේ/ සවස බීම යහපත් වේ. මෙය එක් ප්‍රතිකාරයක් පමණයි. හිතුමතයට බෙහෙත් පාවිච්චි කරනවාට වඩා වෛද්‍යවරයෙක් හමුවී ප්‍රතිකාර ලබා ගැනීම වැදගත්ය. බටහිර ප්‍රතිකාර ජීවිත කාලෙම ලබා ගත්තත් සුව නොවන මෙවන් රෝග සඳහා අත් බෙහෙත් කිරීමෙන් වළකින්න. සුදුසුකම් ලත් වෛද්‍යවරයෙක් වෙත යොමු වී ප්‍රතිකාර ලබා ගැනීම වඩාත් වැදගත් වේ. මන්ද නිසි ප්‍රතිකාර නොලැබීම තුළ හෘදයාබාධ වැනි සංකූලතා ඇති විය හැකි බැවිනි

දේශීය සර්වාංග වෛද්‍ය චමින්ද සම්පත්

(තල්ගස්වත්ත වෙද පරපුර )

සියඹලාපේ උතුර